କଂଗ୍ରେସ ତ୍ରୁଟି ଓ ଦୂରଦୃଷ୍ଟିର ଅଭାବ ଯୋଗୁଁ କର୍ତ୍ତାରପୁର ଆଜି ପାକିସ୍ତାନରେ : ନରେନ୍ଦ୍ର ମୋଦି

ଏହାକୁ ନେଇ ପଞ୍ଜାବ କଂଗ୍ରେସ ରାଜନୀତି ଚର୍ଚ୍ଚାରେ ରହିଥିବା ବେଳେ ଆଜି ରାଜସ୍ଥାନ ବିଧାନସଭା ନିର୍ବାଚନ ପ୍ରଚାରର ଅନ୍ତିମ ପର୍ଯ୍ୟାୟରେ ହନୁମାନଗଡ଼ରେ ଏକ ସାଧାରଣ ସଭାରେ ଭାଷଣ ଦେଇ ପ୍ରଧାନମନ୍ତ୍ରୀ ମୋଦି ଗୁରୁ ନାନକଙ୍କ ପୀଠ କର୍ତ୍ତାରପୁର ପାକିସ୍ତାନରେ ରହିବା ନେଇ କଂଗ୍ରେସକୁ କଡ଼ା ଭାଷାରେ ସମାଲୋଚନା କରିଛନ୍ତି। ଶ୍ରୀ ମୋଦି କହିଛନ୍ତି ଯେ କଂଗ୍ରେସ ଦଳର ନେତାମାନଙ୍କର ତ୍ରୁଟି ଓ ଦୂରଦୃଷ୍ଟିର ଅଭାବ ଯୋଗୁଁ କର୍ତ୍ତାରପୁର ଭାରତ ପାକିସ୍ତାନ ବିଭାଜନ ସମୟରେ ପାକିସ୍ତାନରେ ରହିଗଲା। କଂଗ୍ରେସ ଦଳର ତ୍ରୁଟି ଅାମ ଭାଗ୍ୟ ନିର୍ଦ୍ଧାରଣ କଲା। କର୍ତ୍ତାରପୁର କରିଡ଼ର ନିର୍ମାଣ କାର୍ଯ୍ୟ ଗତ ୭୦ ବର୍ଷ ମଧ୍ୟରେ କଂଗ୍ରେସ ଦଳ କରି ନ ଥିଲା। ତାହା ଭାରତୀୟ ଜନତା ପାର୍ଟି କ୍ଷମତାସୀନ ହେବା ପରେ ଆରମ୍ଭ ହେଲା ବୋଲି ଶ୍ରୀ ମୋଦି କହିଛନ୍ତି। ଅତି ସହଜରେ କହିବାକୁ ଗଲେ କଂଗ୍ରେସ ଦଳର ନେତାମାନଙ୍କର ଗୁରୁ ନାନକ ଦେବଙ୍କ ଗୁରୁତ୍ୱ ଉପରେ କୌଣସି ଧାରଣା ନ ଥିବାରୁ ଆଜି କର୍ତ୍ତାରପୁର ପାକିସ୍ତାନରେ ରହିଛି ବୋଲି ଶ୍ରୀ ମୋଦି ଅଭିଯୋଗ କରିଛନ୍ତି