ପିକ୍ନିକ୍ ବସ୍ର ଦୁର୍ଘଟଣା ୩୩ଜଣ ମୃତ
1 min readଆଓରି-ନୂଆଦିଲ୍ଲୀ(୨୮/୭) : ମହାରାଷ୍ଟ୍ରର ଲୋକପ୍ରିୟ ପର୍ଯ୍ୟଟନସ୍ଥଳୀ ମହାବଳେଶ୍ୱରରେ ଶନିବାର ଏକ ପିକ୍ନିକ୍ ବସ୍ ଭୟାବହ ଦୁର୍ଘଟଣାର ଶିକାର ହୋଇଛି। ଛୁଟିରେ ପିକ୍ନିକ୍ କରିବାକୁ ଯାଇଥିବା ଏକ ୟୁନିଭର୍ସିଟିର ୩୪ଜଣ ଛାତ୍ର ଏହି ବସ୍ରେ ମହାବଳେଶ୍ୱର ଯାଉଥିଲେ। ବସ୍ଟି ପାହାଡ ରାସ୍ତାର ଦେଇ ଯାଉଥିବା ସମୟରେ ହଠାତ୍ ୨୦୦ଫୁଟ ତଳ ଘାଇକୁ ଖସି ପଡ଼ିଥିଲା । ଏହି ଦୁର୍ଘଟଣା ଏତେ ଭୟାବହ ଥିଲା କି ଘଟଣାସ୍ଥଳରେ ୩୩ଜଣ ଜଣଙ୍କର ମୃତ୍ୟୁ ହୋଇଯାଇଥିବା ଜଣାପଡ଼ିଛି।
ରାୟଗଡ଼ ଜିଲ୍ଲା ଜିଲ୍ଲାପାଳ ବିଜୟ ସୂର୍ଯ୍ୟବଂଶୀ ଘଟଣାର ବିଷୟରେ କହିଛନ୍ତି, ପୋଲଡପୁରରେ ବସ୍ ଖାତକୁ ଖସି ପଡ଼ିବା ହେତୁ ବସ୍ରେ ଥିବା ୩୪ଜଣ ଯାତ୍ରୀଙ୍କ ଘଟଣାସ୍ଥଳରେ ମୃତ୍ୟୁ ହୋଇଯାଇଛି। ରିପୋର୍ଟ ଅନୁସାରେ, ମୃତକମାନେ ଏକ କୃଷି ବିଶ୍ଵ ବିଦ୍ୟାଳୟରେ କାମ କରୁଥିଲେ ଓ ଛୁଟିରେ ସେମାନେ ପିକ୍ନିକ୍ କରିବାକୁ ଆସିଥିଲେ। ସକାଳ ପ୍ରାୟ ୧୦ଟ ସମୟରେ ଅମ୍ବେନଳର ନିକଟରେ ଏକ ପାହାଡିଅା ରାସ୍ତା ଦେଇ ଯାଉଥିବା ସମୟରେ ଏହି ବସ୍ଟି ଖାଇକୁ ଖସି ପଡ଼ିଥିଲା।
ତେବେ ଦୁର୍ଘଟଣା ସମ୍ପର୍କରେ ଖବର ପାଇ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି। ଘନ କୁହୁଡି ହେତୁ ଏହି ଦୁର୍ଘଟଣା ଘଟିଥିବା କୁହାଯାଉଛି।