ପ୍ରକାଶ ପାଇଲା ସୁପ୍ରିମ କୋର୍ଟ ରାୟ ; ବିବାଦୀୟ ସ୍ଥଳ ହିନ୍ଦୁଙ୍କୁ ମିଳିବ ଏବଂ ମୁସଲମାନଙ୍କୁ ଅନ୍ୟତ୍ର ଜାଗା ଦିଆଯିବ
1 min read
ଆଓରି-ନୂଆଦିଲ୍ଲୀ(୧୧/୦୯) : ବହୁ ପ୍ରତୀକ୍ଷିତ ରାମ ଜନ୍ମଭୂମି-ବାବ୍ରୀ ମସଜିଦ ବିବାଦ ମାମଲାର ରାୟ ଶନିବାର ସୁପ୍ରିମକୋର୍ଟରେ ପ୍ରକାଶ ପାଇଛି। ପ୍ରଧାନ ବିଚାରପତି ଜଷ୍ଟିସ ରଞ୍ଜନ ଗୋଗୋଇଙ୍କ ଅଧ୍ୟକ୍ଷତାରେ ୫ ଜଣିଆ ଖଣ୍ଡପୀଠ ରାୟ ଶୁଣାଣି କରିଛନ୍ତି। ଖଣ୍ଡପୀଠ କହିଛନ୍ତି, ବିବାଦୀୟ ସ୍ଥଳକୁ ହିନ୍ଦୁମାନଙ୍କୁ ପ୍ରଦାନ କରିବାକୁ ସରକାରଙ୍କୁ ନିର୍ଦେଶ ଦେଇଛନ୍ତି। ଏହାସହିତ ମୁସଲମାନଙ୍କୁ ଅନ୍ୟତ୍ର ବିକଳ୍ପ ଜାଗା ପ୍ରଦାନ କରିବାକୁ ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି।
ସୁପ୍ରିମକୋର୍ଟଙ୍କ ନିର୍ଦେଶ ଅନୁସାରେ, କେନ୍ଦ୍ର ଏବଂ ଉତ୍ତର ପ୍ରଦେଶ ସରକାର ସୁନି ୱାକଫ ବୋର୍ଡକୁ ଅଯୋଧ୍ୟା ସହରର ଏକ ପ୍ରମୁଖ ଜାଗାରେ ୫ ଏକର ଜମି ପ୍ରଦାନ କରିବେ। ଏହା ସହିତ ମସଜିଦ ନିର୍ମାଣରେ ସହାୟତା କରିବେ। ସେହିପରି ବିବାଦୀୟ ସ୍ଥଳକୁ ରାମ ଜନ୍ମଭୂମି ନ୍ୟାସକୁ ପ୍ରଦାନ କରାଯିବ। ମନ୍ଦିର ନିର୍ମାଣ ପାଇଁ ଟ୍ରଷ୍ଟ ତିଆରି ଲାଗି ସୁପ୍ରିମକୋର୍ଟ ଆଦେଶ ଦେଇଛନ୍ତି। ଜମିର ମାଲିକାନା ସ୍ବତ୍ତ୍ଵ ଟ୍ରଷ୍ଟକୁ ନେବାକୁ ଆଦେଶ ଦିଆଯାଇଛି। ୩ ମାସ ମଧ୍ୟରେ ସମ୍ପୂର୍ଣ୍ଣ ଯୋଜନା ପ୍ରସ୍ତୁତ କରିବାକୁ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ନିର୍ଦେଶ ଜାରି କରିଛନ୍ତି।
