ବଜାରରେ ମିଳିବ ପାତଞ୍ଜଳୀର ‘ସ୍ୱଦେଶୀ’ ଜିନ୍ସ
1 min readଗରିବଙ୍କ ଉନ୍ନତି ପାଇଁ କାମ କରିବି: ବାବା ରାମଦେବ
ନାଗପୁର : ଯୋଗ ଗୁରୁ ବାବା ରାମଦେବଙ୍କ ଦ୍ୱାରା ପରିଚାଳିତ ପାତଞ୍ଜଳୀ ଗ୍ରୁପ୍ ଅନ୍ତର୍ଜାତୀୟ ବଜାରକୁ ଲକ୍ଷ୍ୟ ରଖି ‘ସ୍ୱଦେଶୀ’ ଜିନ୍ସ ପ୍ରସ୍ତୁତ କରିବାକୁ ଯାଉଛି । ପ୍ରାପ୍ତ ସୂଚନା ଅନୁସାରେ ପାତଞ୍ଜଳୀ ଗ୍ରୁପ୍ ଦ୍ୱାରା ପ୍ରସ୍ତୁତ ସମସ୍ତ ଏଫଏମସିଜି ଉତ୍ପାଦନ ପାକିସ୍ତାନ ଓ ଆଫଗାନୀସ୍ଥାନରେ ଆଗାମୀ ଦିନରେ ଉପଲବ୍ଧ ହେବ। ସାମ୍ବାଦିକଙ୍କୁ ସୂଚନା ଦେବା ଅବସରରେ ବାବା ରାମଦେବ କହିଛନ୍ତି, ଆମର ଉତ୍ପାଦ ମାଧ୍ୟମରେ ଆମେ ନେପାଳ ଓ ବାଙ୍ଗଲାଦେଶରେ ପହଞ୍ଚି ସାରିଛୁ । କମ୍ପାନିର ଉତ୍ପାଦ ସାଉଦି ଆରବ ସମେତ ମଧ୍ୟ-ପୂର୍ବ ଦେଶମାନଙ୍କରେ ବେଶ୍ ଲୋକପ୍ରିୟତା ହାସଲ କରିପାରିଛି । ଗରିବ ଦେଶର ଚାହିଦାକୁ ଲକ୍ଷ୍ୟରେ ରଖି ଆମେ ଉନ୍ନତି ଦିଗରେ କାମ କରିବା ପାଇଁ ମନ ବଳାଇଛୁ । ଏହା ଦ୍ୱାରା ସେଇ ଦେଶର ଲୋକଙ୍କ ଲାଭ ହେବ । ସେ କହିଛନ୍ତି ଯେ, ପାକିସ୍ତାନ ଓ ଆଫଗାନିସ୍ତାନରେ ପାତଞ୍ଜଳି ଗ୍ରୁପ୍ ପ୍ରବେଶ କରିବା ସେଠାକାର ରାଜନୈତିକ ଚାପ ଉପରେ ନିର୍ଭର କରେ । ଯଦି ଅନୁକୁଳ ପରିସ୍ଥିତି ଦେଖାଯାଏ, ତାହେଲେ ଆମେ ସେଠାରେ ଭବିଷ୍ୟତରେ ଉତ୍ପାଦନ ଆରମ୍ଭ କରିବୁ ବୋଲି ମଧ୍ୟ ଆଶା ରଖିଛୁ ।