ଆଓରି-ନୂଆଦିଲ୍ଲୀ(୨୦/୦୮) : ଗତକାଲି ପ୍ରସିଦ୍ଧ ବଲିଉଡ଼ ସଂଗୀତଜ୍ଞ ଖୟାମ ହାସମୀଙ୍କ ୯୨ ବର୍ଷ ବୟସରେ ପରଲୋକ ହୋଇଯାଇଛି । ଅସୁସ୍ଥତା ଯୋଗୁଁ ଖୟାମ୍ଙ୍କୁ କିଛି ଦିନ ପୂର୍ବରୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଅଗଷ୍ଟ ୧୬ରେ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା ଏବଂ ତାଙ୍କର ଅବସ୍ଥା ଜଟିଳ ଥିବା ରିପୋର୍ଟ ଗଣମାଧ୍ୟମରେ ପ୍ରକାଶ ପାଇଥିଲା । ତେବେ ସେ ହୃଦ୍ରୋଗରେ ପିଡ଼ିତ ଥିଲେ । ଗତକାଲି ଖୟାମ୍ଙ୍କୁ ନିଶ୍ୱାସ ନେବାରେ ଅସୁବିଧା ହୋଇଥିଲା, ତେବେ ରାତି ପ୍ରାୟ ସାଢ଼େ ୯ଟା ୩୦ରେ ଖୟାମଙ୍କ ପରଲୋକ ହୋଇଯାଇଥିଲା । ଖୟାମଙ୍କ ପରଲୋକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗଭୀର ଶୋକ ପ୍ରକାଶ କରିଛନ୍ତି । ତାଙ୍କ ଆତ୍ମାର ସଦ୍ଗତି ପାଇଁ କାମନା କରିଛନ୍ତି । ମୋଦି ଟ୍ୱିଟ୍ କରି ଲେଖିଛନ୍ତି, ତାଙ୍କର ଗୀତଗୁଡ଼ିକ ଦ୍ୱାରା ସେ ଚିରସ୍ମରଣୀୟ ହୋଇରହିବେ ।
