July 7, 2022

ନବୀନ ପଟ୍ଟନାୟକ ଯେଉଁ ପ୍ରାର୍ଥିପତ୍ର ଦାଖଲ କରିଛନ୍ତି ତାହା ଅବୈଧ ; ପିତାମ୍ବର ଆଚାର୍ଯ୍ୟ

1 min read

ଆଓରି-ଭୁବନେଶ୍ଵର(୨୭/୦୩) : ବିବାଦ ଘରରେ ନବୀନଙ୍କ ପ୍ରାର୍ଥିପତ୍ର । ନବୀନଙ୍କ ପ୍ରାର୍ଥିପତ୍ରରେ ଅନେକ ତ୍ରୁଟି ରହିଥିବା ଅଭିଯୋଗ ହୋଇଛି । ଏନେଇ ଏବେ ରାଜ୍ୟ ରାଜନୀତି ଉଠୁଛି ପଡ଼ୁଛି ।  ବିଜେପିର ବରିଷ୍ଠ ନେତା ତଥା ରାଜ୍ୟ ବିଜେପି ଉପସଭାପତି ପିତାମ୍ବର ଆଚାର୍ଯ୍ୟ ନବୀନଙ୍କ ବିରୋଧରେ ଏଭଳି ସାଂଘାତିକ ଅଭିଯୋଗ ଆଣିଛନ୍ତି । ପିତାମ୍ବର ଅଭିଯୋଗ କରିଛନ୍ତି ଯେ, ମୁଖ୍ୟମନ୍ତ୍ରୀଙ୍କୁ ପୂର୍ବରୁ ସିବିଆଇ ଜେରା କରିସାରିଛି । କିନ୍ତୁ ମୁଖ୍ୟମନ୍ତ୍ରୀ ନିଜ ପ୍ରାର୍ଥିପତ୍ରରେ ଦେଇଥିବା ସତ୍ୟପାଠରେ ଏନେଇ କୌଣସି ତଥ୍ୟ ଦେଇ ନାହାନ୍ତି । ଏହା ସହ ନବୀନ ଗୋଟିଏ ସ୍ଥାନରେ ନିଜ ଦସ୍ତଖତ ମଧ୍ୟ କରିନାହନ୍ତି । ତେଣୁ ଆଇନ ଅନୁଯାୟୀ ନବୀନ ପଟ୍ଟନାୟକ ଯେଉଁ ପ୍ରାର୍ଥିପତ୍ର ଦାଖଲ କରିଛନ୍ତି ତାହା ଅବୈଧ । ପିତାମ୍ବର ଆହୁରି ମଧ୍ୟ କହିଛନ୍ତି ଯେ, ଯଦି ଏଠି ନାମାଙ୍କନ କାଏମ ରହିଲା ତେବେ କୋର୍ଟରେ ନିଶ୍ଚିତ ଖାରଜ ହେବ ।

ଛତ୍ରପୁର ଉପଜିଲ୍ଲାପାଳଙ୍କ ନିକଟରେ ଏନେଇ ପିତାମ୍ବର ଅଭିଯୋଗ କରିଛନ୍ତି । ଏହା ସହ ତାଙ୍କ ପ୍ରାର୍ଥିପତ୍ରକୁ ନାକଚ ଘୋଷଣା କରିବାକୁ ଦାବି କରିଛନ୍ତି ।  ପିତାମ୍ବର ବିଜେପି ଟିକଟରୁ ହିଞ୍ଜିଳି ବିଧାନସଭା ନିର୍ବାଚନ ମଣ୍ଡଳିରୁ ନବୀନଙ୍କ ବିରୋଧରେ ଲଢିବା ପାଇଁ ନାମାଙ୍କନ ଦାଖଲ କରିଛନ୍ତି ।

ଅନ୍ୟପଟେ ରିଟର୍ଣ୍ଣିଂ ଅଫିସର୍‌ ତଥା ଉପଜିଲ୍ଲାପାଳ କହିଛନ୍ତି ଯେ, ନବୀନଙ୍କ ପ୍ରାର୍ଥିପତ୍ର ସମ୍ପୁର୍ଣ୍ଣ ଠିକ୍‌ ରହିଛି । ଏଥିରେ କୌଣସି ତ୍ରୁଟି ନାହିଁ । ତାଙ୍କ ପ୍ରାର୍ଥିପତ୍ର କାଏମ ରହିଛି । ସନ୍ଦେହ ଥିଲେ ଆଇନର ଆଶ୍ରୟ ନେବାକୁ କହିଛନ୍ତି ରିଟର୍ଣ୍ଣିଂ ଅଫିସର୍‌ ।

Leave a Reply

Your email address will not be published.

Copyright © All rights reserved. | Newsphere by AF themes.