ଆକବରଙ୍କ ନିର୍ମିତ ଦୁର୍ଗରେ ସରସ୍ୱତୀ ଏବଂ ଋଷି ଭରଦ୍ୱାଜଙ୍କ ମୂର୍ତ୍ତି ପ୍ରତିଷ୍ଠା କରାଯିବ ; ଯୋଗୀ ଆଦିତ୍ୟନାଥ

ଆଓରି-ନୂଆଦିଲ୍ଲୀ(୨୪/୧୨) : ପ୍ରୟାଗରାଜ (ଆହ୍ଲାବାଦ) ଠାରେ ମୋଗଲ ସମ୍ରାଟ ଆକବର ନିର୍ମାଣ କରାଇଥିବା ଦୁର୍ଗରେ ସରସ୍ୱତୀ ଏବଂ ଋଷି ଭରଦ୍ୱାଜଙ୍କ ମୂର୍ତ୍ତି ପ୍ରତିଷ୍ଠା କରାଯିବ ବୋଲି ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘୋଷଣା କରିଛନ୍ତି।

ଯୋଗୀ କହିଛନ୍ତି ଯେ ପୂଜାର୍ଚ୍ଚନା ନିମନ୍ତେ ଏଥର ପ୍ରଥମ କରି ଅକ୍ଷୟ ବଟ ଏବଂ ସରସ୍ୱତୀ କୂପ କୁମ୍ଭମେଳା ସମୟରେ ଓ ପରେ ଖୋଲା ରହିବ। ଲକ୍ଷ୍ନୌ ଠାରେ ଯୁବ କୁମ୍ଭର ଉଦ୍‌ଘାଟନ ସମାରୋହକୁ ଉଦ୍‌ବୋଧନ ଦେଇ ଯୋଗୀ ଆଦିତ୍ୟ ନାଥ କହିଲେ, ଏଥର ପ୍ରଥମ କରି ଅକ୍ଷୟ ବଟ ଏବଂ ସରସ୍ୱତୀ କୂପ କୁମ୍ଭମେଳା ସମୟରେ ଖୋଲା ରହିବ। ମୋଗଲ ସମ୍ରାଟ ଆକବର ସେଠାରେ ଦୁର୍ଗ ନିର୍ମାଣ କରାଇଥିବା କାରଣରୁ ଲୋକେ ସେଠାରେ ପୂଜାର୍ଚ୍ଚନା କରି ପାରୁ ନ ଥିଲେ।