ସହଜ ରୋଗ ଆରୋଗ୍ୟ ଉପାୟ
1 min readଆଓରି(୨୪|୪)-
ମୁଣ୍ଡବ୍ୟଥା – ମୁଣ୍ଡ ବଥାଇଲେ ଦୁଇହାତର କହୁଣି ଉପରେ କନାଧଡି କିମ୍ବା ଦଉଡି ଦ୍ୱାରା ଜୋର ରେ ବାନ୍ଧି ରଖିଲେ ପାଞ୍ଚ ସାତ ମିନିଟ ମଧ୍ୟରେ ମୁଣ୍ଡବ୍ୟଥା ଆରୋଗ୍ୟ ହୋଇଯିବ | ଏଭଳି ଦୃଢ ଭାବରେ ବାନ୍ଧିବା ଉଚିତ ଯେପରି ରୋଗୀର ହାତରେ ବେଦନା ଅନୁଭୂତ ହେବ | ଯନ୍ତ୍ରଣା ଆରୋଗ୍ଯ ହେବ ପରେ ବନ୍ଧନ ଫିଟାଇ ଦେବା ଉଚିତ |
ଦାନ୍ତ ରୋଗ – ପ୍ରତିଦିନ ଯେତେ ଥର ମଳମୁତ୍ର ପରିତ୍ୟାଗ କରିବ, ସେହି ସମୟରେ ଉପର ତଳ ଦୁଇ ପାଟିର ଦାନ୍ତକୁ ଏକତ୍ର କରି ଟିକିଏ ଜୋରରେ ଚାପି ଧରି ରଖିବେ | ମଳମୁତ୍ର ନିଃଶରଣ ଶେଷ ହେବ ପର୍ଯ୍ୟନ୍ତ ଏପରି ରଖିବେ | ଦୁଇ ଚାରି ଦିନ ପର୍ଯ୍ୟନ୍ତ ଏପରି ଅଭ୍ୟାସ କଲେ ଶିଥିଳ ଦାନ୍ତ ମୂଳ ଦୃଢ ହେବ ,ଦାନ୍ତରୁ ରକ୍ତ ବାହାରିବ ନାହିଁ ଏବଂ ଦାନ୍ତ ପୀଡା ହେବାର ଭୟ ଓ ରହିବ ନାହିଁ |
ବାତ ରୋଗ- ପ୍ରତିଦିନ ଆହାର କରିବା ପରେ ପାନିଆରେ ମୁଣ୍ଡ କୁଣ୍ଡାଇବେ | ଏହିପରି ଭାବରେ ପାନିଆରେ ମୁଣ୍ଡ କୁଣ୍ଡାଇବେ ଯେ , ଯେପରି ପାନିଆର ଦାନ୍ତ ଗୁଡିକ ମସ୍ତକରେ ସ୍ପର୍ଶ କରିବ | ଏହି ସମୟରେ ବିରାସନରେ ଉପବେଶନ କରିବେ | ଅର୍ଥାତ ପଦ ଦୁଇଟିକୁ ପଛଆଡକୁ ବୁଲାଇ ମୋଡି ରଖି ତାହାଉପରେ ଚାପି ହୋଇ ବସିବେ | ଏହିପରି ପନ୍ଦର ମିନିଟ ବିରାସନରେ ବସି ମୁଣ୍ଡ କୁଣ୍ଡାଇ ବାକୁ ହେବ | ପ୍ରତିଦିନ ଦୁଇବେଳା ଆହାର ପରେ ଏହିପରି ଅଭ୍ୟାଶ କଲେ ଯେତେଦିନର ବାତ ରୋଗ ଥିଲେ ମଧ୍ୟ ଧୀରେ ଧୀରେ ଆରୋଗ୍ୟ ହୋଇଯିବ |