July 7, 2022

ଚନ୍ଦ୍ରୟାନ-2 ବିଫଳ: ଦେଶବାସୀଙ୍କୁ ସାନ୍ତ୍ୱନା ଦେଲେ ପ୍ରଧାନମନ୍ତ୍ରୀ ମୋଦି

1 min read
PM-Narendra-Modi-in-Isro

ଆଓରି-ନୂଆଦିଲ୍ଲୀ(୦୭/୦୯) : ଆଓରିଚନ୍ଦ୍ରଯାନ-୨ ଅଭିଯାନର ଫଳାଫଳକୁ ନେଇ ଅନିଶ୍ଚିତତା ଦେଖାଦେଇଛି। ଚନ୍ଦ୍ରପୃଷ୍ଠରେ ପାଦ ଦେବାର କିଛି ସମୟ ପୂର୍ବରୁ ଲ୍ୟାଣ୍ଡର ବିକ୍ରମ ସହିତ ଇସ୍ରୋର ସମ୍ପର୍କ ଚ୍ଛିନ୍ନ ହେବା ପରେ ବୈଜ୍ଞାନିକମାନଙ୍କ ମମନରେ ନିରାଶାଭାବ ଖେଳିଯାଇଛି। ତେଣୁ ସେମାନଙ୍କ ମନୋବଳ ବଢ଼ାଇବା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରୟାସ କରିଛନ୍ତି। ସେ ଶନିବାର ସକାଳେ ବେଙ୍ଗାଲୁରୁସ୍ଥିତ ଇସ୍ରୋ ମୁଖ୍ୟାଳୟରୁ ଦେଶବାସୀଙ୍କୁ ଉଦ୍‌ବୋଧନ ଦେବା ସମୟରେ ଇସ୍ରୋ ଅଧ୍ୟକ୍ଷ କେ. ଶିବନଙ୍କୁ ସାନ୍ତ୍ବନା ଦେବା ସହିତ ବୈଜ୍ଞାନିକମାନଙ୍କୁ ପ୍ରଶଂସା କରିଛନ୍ତି।

ମୋଦୀ ବୈଜ୍ଞାନିକମାନଙ୍କ ଉଦ୍ଦେଶ୍ୟରେ କହିଛନ୍ତି, ଆପଣମାନେ ଦେଶବାସୀଙ୍କୁ ଗର୍ବିତ କରିବାକୁ ଜୀବନ ଉତ୍ସର୍ଗ କରିଛନ୍ତି। ମୁଁ ଆପଣମାନଙ୍କ ମନର ଦୁଃଖକୁ ଅନୁଭବ କରିପାରୁଛି। ଆମେ ଆମର ବୈଜ୍ଞାନିକଙ୍କ କାର୍ଯ୍ୟ ପାଇଁ ଗର୍ବିତ। ଭାରତବାସୀ ଆପଣଙ୍କ ସହିତ ରହିଛନ୍ତି। ଆମେ ଚ୍ୟାଲେଞ୍ଜର ସମ୍ମୁଖୀନ ହୋଇଛେ। ନିରାଶ ହୋଇନୁ। ଆମେ ସଫଳତା ନିଶ୍ଚୟ ପାଇବା, କେହି ଆମକୁ ଅଟକାଇପାରିବେନି। ପ୍ରତିବନ୍ଧକକୁ ଅତିକ୍ରମ କରି ସଫଳତା ହାସଲ କରିବା ହେଉଛି ଆମ ସଭ୍ୟତା। ଆଜିର ଶିକ୍ଷା ଆମକୁ ଆଗକୁ ବଢ଼ିବାରେ ସହାୟକ ହୋଇପାରିବ। ପରିଶ୍ରମ ସଫଳ ହେବ। ଆମେ ଲକ୍ଷ୍ୟପଥରେ ନିଶ୍ଚିତ ପହଞ୍ଚିପାରିବା। ଗୋଟିଏ ମିଶନରେ ୧୦୦ ସାଟେଲାଇଟ ଉତ୍‌କ୍ଷେପଣ ପାଇଁ ଆପଣମାନଙ୍କୁ ଶୁଭେଚ୍ଛା। ବୈଜ୍ଞାନିକମାନେ ସଫଳତାରେ ସନ୍ତୁଷ୍ଟ ହୁଅନ୍ତି ନାହିଁ କି ବିଫଳତାରେ ହାରନ୍ତି ନାହିଁ। ପ୍ରତିକୂଳ ପରିସ୍ଥିତିରେ ସଫଳତା ଲାଭ କରିବା ଆମେ ଭଲ ଭାବେ ଜାଣିଛେ ବୋଲି ମୋଦୀ ଉଦବୋଧନ ଦେବା ଅବସରରେ କହିଥିଲେ।

Leave a Reply

Your email address will not be published.

Copyright © All rights reserved. | Newsphere by AF themes.