ମସୁଦ ଅଜହରକୁ ବିଶ୍ୱ ଆତଙ୍କବାଦୀ ଘୋଷିତ କରାଯିବା ପଛରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏକ ବଡ଼ ସଫଳତା ; ଅମିତ ଶାହ
1 min read
ଆଓରି-ନୂଆଦିଲ୍ଲୀ(୦୭/୦୫) : ପୁଲୱାମା ଆକ୍ରମଣର ମାଷ୍ଟର ମାଇଣ୍ଡ ମସୁଦ ଅଜହରକୁ ବିଶ୍ୱ ଆତଙ୍କବାଦୀ ଘୋଷିତ କରିବା ପରେ ରାଜନୀତି ସରଗରମ ହୋଇଛି । ମସୁଦକୁ ବିଶ୍ୱ ଆତଙ୍କୀ ଘୋଷଣା କରିବାରେ ବାଧକ ସାଜିଥିବା ଚୀନ ମଧ୍ୟ ସହମତି ପ୍ରକାଶ କରିଛି । ଏହାର କିଛି ଦିନ ପୂର୍ବରୁ ଚୀନ ଅରୁଣାଚଳପ୍ରଦେଶ ଏବଂ ଜମ୍ମୁକାଶ୍ମୀରକୁ ଭାରତର ବୋଲି ନିଜ ନକ୍ସାରେ ଉଲ୍ଲେଖ କରିଥିଲା । ସେ ଯାହା ହେଉ ମସୁଦକୁ ବିଶ୍ୱ ଆତଙ୍କୀ ଘୋଷଣା ଭାରତ ପାଇଁ ଏକ ବୃହତ୍ତ କୁଟନୈତିକ ବିଜୟ ବୋଲି କୁହାଯାଉଛି ।
ଏହି ଅବସରରେ ମସୁଦକୁ ବିଶ୍ୱସ୍ତରୀୟ ଆତଙ୍କବାଦୀ ଘୋଷିତ କରାଯିବା ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏକ ବଡ଼ ସଫଳତା ବୋଲି କହିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ । ଏହାସହ ଶାହ କହିଛନ୍ତି ଯେ ଦଳ ଏଥର ଗତ ଥର ଅପେକ୍ଷା ଅଧିକ ସିଟ୍ ହାସଲ କରିବ। ସେ କହିଛନ୍ତି ଯେ ବିଜେପି ଗତ ଥର ୨୮୨ଟି ଆସନରେ ଏକାକୀ ବିଜୟୀ ହୋଇଥିଲା । ଏଥର ଏହାଠୁ ବି ଅଧିକ ଆସନରେ ବିଜୟୀ ହେବ ।
