ପଶ୍ଚିମବଙ୍ଗ ଦୁର୍ଗାପୂଜା ଆୟୋଜକମାନଙ୍କୁ ୭୦ କୋଟି ଟଙ୍କା ଉପହାର ଦେବେ ଋଣଗ୍ରସ୍ତ ମମତା ବାନାର୍ଜୀ ସରକାର

ପୂଜାମେଢ଼ରେ ବ୍ୟବହାର ହୋଇଥିବା ବିଜୁଳି ବାବଦ ଶୁଳ୍କ ୨୫% ହ୍ରାସ କରାଇବାକୁ ମଧ୍ୟ ମୁଖ୍ୟମନ୍ତ୍ରୀ ସିଇଏସ୍‌ଇ ଏବଂ ଡବ୍ଲୁବିଏସ୍‌ଇଡିସିଏଲ୍‌ ଇଲେକ୍ଟ୍ରିସିଟି ସପ୍ଲାଇ ବୋର୍ଡକୁ କୁହାଯାଇଥିବା କଥା ମୁଖ୍ୟମନ୍ତ୍ରୀ ବାନାର୍ଜୀ ଘୋଷଣା କରିଛନ୍ତି।

ମମତା ବାନାର୍ଜୀ କହିଛନ୍ତି: ଆମେ ଗରିବ ଲୋକଙ୍କ ସରକାର, କିନ୍ତୁ ଦୁର୍ଗାପୂଜା କମିଟି ପାଇଁ ପାରୁ ପର୍ଯ୍ୟନ୍ତ ଚେଷ୍ଟା କରିବୁ। ଗତ ବର୍ଷ ଦିଆଯାଇଥିବା ୧୦ ହଜାର ପରିବର୍ତ୍ତେ ଏ ବର୍ଷ ୨୫, ୦୦୦ ଟଙ୍କା ଦିଆଯିବ। ମୁଁ ଜାଣେ ଦୁର୍ଗାପୂଜା କମିଟିର ଆର୍ଥିକ ପରିସ୍ଥିତି ସ୍ୱଚ୍ଛଳ ନୁହେଁ। ବିଜୁଳି ଶୁଳ୍କ ବି ବଢ଼ିଯାଇଛି। ତେଣୁ ବିଜୁଳି ବିଲ୍‌ ଉପରେ ୨୫% ରିହାତି ମିଳିବ। କୋଲକାତା ମୁନିସିପାଲ୍‌ କର୍ପୋରେସନ୍‌ ଟିକସ ମଧ୍ୟ ଛାଡ଼ କରାଯାଇଛି।

ଆର୍ଥିକ ବର୍ଷ ୨୦୧୮-୧୯ରେ ପଶ୍ଚିମବଙ୍ଗ ସରକାରଙ୍କ ଉପରେ ୫୬,୧୮୬. ୧୬ କୋଟି ଟଙ୍କା ଋଣ ବୋଝ ରହିଛି।