ଭଦ୍ରକରେ ମହରମ ପର୍ବପାଳନ ପାଇଁ ମୁତୟନ ହେଲେ ୨୨ପ୍ଲାଟୁନ ପୋଲିସ
1 min read
ଆଓରି-ଭୁବନେଶ୍ଵର(୧୦/୦୯) : ଆଜି ଭଦ୍ରକରେ ପାଳନ ହେବ ମହରମ ପର୍ବ । ଏଥିପାଇଁ ସାରା ଭଦ୍ରକ ସହର ଚଳଚଞ୍ଚଳ ହୋଇ ଉଠିଛି । ବିଗତ କିଛି ବର୍ଷ ତଳେ ଭଦ୍ରକରେ ନିରାଡ଼ମ୍ବର ଭାବେ ମହରମ ପର୍ବ ପାଳନ ହୋଇଆସୁଥିଲା । ପୂର୍ବରୁ ଲାଗିଥିବା କଟକଣା ପ୍ରତ୍ୟାହାର ହେବା ପରେ ଚଳିତ ବର୍ଷ ଧୁମଧାମରେ ମହରମ ପର୍ବ ପାଳନ ହେବ ।
ଆଜି ଅପରାହ୍ନରେ ୪୦ରୁ ଉର୍ଦ୍ଧ୍ୱ ପ୍ରଜ୍ଞାପନ ମେଢ଼ ଶୋଭାଯାତ୍ରାରେ ସହର ପରିକ୍ରମା କରିବ । ଆଇନ ଶୃଙ୍ଖଳା ଦୃଷ୍ଟିରୁ ସହରରେ ୨୨ପ୍ଲାଟୁନ ପୋଲିସ ଫୋର୍ସ ମୁତୟନ କରାଯିବା ସହ ବିଭିନ୍ନ ସମ୍ବେଦନଶୀଳ ସ୍ଥାନ ମାନଙ୍କରେ ପୋଲିସ ମୁତୟନ କରାଯାଇଛି । ଭଦ୍ରକ ଆରକ୍ଷୀ ଅଧିକ୍ଷକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ୧୭୦ପୋଲିସ ଅଫିସର, ୨ଜଣ ଅତିରିକ୍ତ ଆରକ୍ଷୀ ଅଧିକ୍ଷକ ନିୟୋଜିତ ରହିବେ । ଗୁରୁତ୍ୱପୂର୍ଣ୍ଣ ସ୍ଥାନ ମାନଙ୍କରେ ସୁରକ୍ଷା ଦୃଷ୍ଟିରୁ ୨ଟି ଡ୍ରୋନ୍ କ୍ୟାମେରା ମଧ୍ୟ ଲଗାଯାଇଛି ।
