July 5, 2022

ବିଫଳ ହୋଇନାହିଁ ଚନ୍ଦ୍ରଯାନ-୨ ; ଏବେ ବି ଅର୍ବିଟର ଚନ୍ଦ୍ରର କକ୍ଷପଥରେ ପରିକ୍ରମା କରୁଛି ଲ୍ୟାଣ୍ଡର ବିକ୍ରମ

1 min read
chandrayaan-2-Aajira-Odisha

ଆଓରି-ନୂଆଦିଲ୍ଲୀ(୦୭/୦୯) : ମହାକାଶରେ ଇତିହାସ ରଚିବା ଲାଗି ନିକଟତର ହେଉଥିବା ଭାରତ ଶେଷ ପର୍ଯ୍ୟାୟରେ ନିରାଶ ହୋଇଛି। ଚନ୍ଦ୍ରପୃଷ୍ଠରେ ପାଦ ରଖିବା ଲାଗି ୨.୧ କିଲୋମିଟର ଦୂରତା ଥିବାବେଳେ ଲ୍ୟାଣ୍ଡର ବିକ୍ରମ ସହ ଇସ୍ରୋର ସମ୍ପର୍କ ଚ୍ଛିନ୍ନ ହେବା ପରେ ବୈଜ୍ଞାନିକମାନଙ୍କ ମନୋବଳ ଭାଙ୍ଗିଯାଇଛି। କିନ୍ତୁ ଏହି ଅଭିଯାନ ବିଫଳ ହୋଇନାହିଁ। କାରଣ ଏବେ ବି ଅର୍ବିଟର ଚନ୍ଦ୍ରର କକ୍ଷପଥରେ ପରିକ୍ରମା କରୁଛି। ଗତ ୨ ତାରିଖରେ ଲ୍ୟାଣ୍ଡର ବିକ୍ରମ ଅର୍ବିଟରଠାରୁ ଅଲଗା ହୋଇଥିଲା।

ଇସ୍ରୋ ଅଧ୍ୟକ୍ଷ କେ. ଶିବନ କହିଛନ୍ତି, ଲ୍ୟାଣ୍ଡର ବିକ୍ରମ ସହିତ ସମ୍ପର୍କ ଛିନ୍ନ ହୋଇଛି। ୯୭୮ କୋଟି ଟଙ୍କା ଖର୍ଚ୍ଚ ହୋଇଥିବା ଏହି ଅଭିଯାନର ସବୁକିଛି ଶେଷ ହୋଇନାହିଁ। ଜଣେ ଅଧିକାରୀ କହିଛନ୍ତି, ମିଶନର କେବଳ ୫%(ଲ୍ୟାଣ୍ଡର ବିକ୍ରମ ଏବଂ ରୋଭର ପ୍ରଜ୍ଞାନ) ନଷ୍ଟ ହୋଇଛି। ୯୫ ପ୍ରତିଶତ ଅର୍ବିଟର ସଫଳତାର ସହିତ ଚନ୍ଦ୍ର କକ୍ଷପଥରେ ପରିକ୍ରମା କରୁଛି। ଅର୍ବିଟରର ଅବଧି ଏକ ବର୍ଷ। ଅର୍ଥାତ ସେ ଇସ୍ରୋକୁ ଲଗାତାର ଫଟୋ ପଠାଇ ଚାଲିବ।

ଆଉଜଣେ ଅଧିକାରୀ କହିଛନ୍ତି, ଅର୍ବିଟର ଲ୍ୟାଣ୍ଡର ବିକ୍ରମର ଫଟୋ ବି ପଠାଇପାରେ। ସେଥିରୁ ଲ୍ୟାଣ୍ଡରର ସ୍ଥିତି ବିଷୟରେ ଜଣାପଡ଼ି ପାରିବ। ଚନ୍ଦ୍ରଯାନ-୨ର ୩ଟି ଭାଗ ରହିଛି। ଅର୍ବିଟର(୨୩୭୯ କିଗ୍ରା), ବିକ୍ରମ(୧୪୭୧ କିଗ୍ରା) ଏବଂ ରୋଭର(୨୭ କିଗ୍ରା)।

Leave a Reply

Your email address will not be published.

Copyright © All rights reserved. | Newsphere by AF themes.